কথা আছিল কথা নাছিল - assamese heart touching love poem - Siyor

 কথা আছিল ! কথা নাছিল !

 

assamese heart touching love poem

কথা আছিল হাস্নাহানাৰ গোন্ধত 

জোনাকি নিশা মুকলি আকাশৰ তলত বহি কথা পতাৰ !

কথা নাছিল বতাহত কঁপি অহা তোমাৰ মাতত

অশ্ৰুৰ সাগৰত ডুবি মোৰ শিতানৰ গাৰু সেমেকা কৰাৰ ! 

 

Sad Breakup Poetry/ Assamese Sad Poetry / Heart Touching Sad Poems about Depression in Assamese / Sad Love Poetry in Assamese

কথা আছিল আশাৰ দলিচাত  ভৱিষ্যত অংকন কৰি

আমাৰ সপোনবোৰক  বাস্তৱ ৰুপ দিয়াৰ !

কথা নাছিল দুখৰ সুবাস হৃদয়ত লৈ

স্মৃতিৰ ধুমুহাত জীৱনৰ ধ্বংসলীলা চোৱাৰ !

প্ৰেম মানে নহয় অ' বলিয়া বান 

স্মৃতিৰ সপোন দেখি অশ্ৰুৰ সাগৰত ডুবি থকাৰ ! 

নোৱাৰো আজি এধানি কোমলতাক হৃদয়ত আদৰিব

সপোনৰ দুবৰি গচকি নিজক আকৌ জিপাল কৰিব ৷৷ 

 

Sad Breakup Poetry/ Assamese Sad Poetry / Heart Touching Sad Poems about Depression in Assamese / Sad Love Poetry in Assamese

 

তোমাৰ অবিহনেও তোমাক একপক্ষীয়ভাবে আজিও সিমানেই ভালপাওঁ

 

এদিন ঘুৰি নহাৰ প্ৰতিশ্ৰুতি দি ওলায় গৈছিলা তুমি

চিৰদিনৰ বাবে মোৰ জীৱনৰপৰা

তেতিয়াৰে পৰা উজাগৰে কটাইছো

ৰাতিবোৰ হুমনিয়াত

শীতৰ সেমেকা নিশাবোৰে

মোৰ দুচকুৰে চকুলো নিগৰাই

বতাহত ভাহি অহা

তোমাৰ কথাবোৰে

বাৰে বাৰে হৃদয়খন কপাই যায় ৷

 

আজি তুমি মোৰ একো নোহোৱা

না মই তোমাৰ কোনোৱা

অথচ এটি শিহৰণৰ মিঠা অনুভৱ হৈ

তুমি হৃদয় জুৰি এতিয়াও বিয়পি আছা ৷

 

তুমি কোৱা মোক পাহৰি যোৱা

তোমাৰ পাহৰিবলৈ বহুত চেষ্টা কৰিছো

কিন্তু পাহৰিব হে পৰা নাই

কেনেকৈনো পাহৰি যাওঁ তোমাক

তোমাৰ মিছা মৰমবোৰক

তুমি দিয়া মিছা প্ৰতিশ্ৰুতিবোৰক ।

 

নুবুজিলো মিছা হাঁহিবোৰৰ মাজত

কি লুকাই আছিল তোমাৰ

তোমাৰ হাঁহি কান্দোন খং অভিমানবোৰ

কিমান যে সুপৰিকল্পিত অভিনয় আছিল

ধৰিবই নোৱাৰিলো জানা

তোমাৰ অভিনয়ত ভুল গৈ তোমাক

বহুত ভালপায় পেলাইছিলো ৷

 

ভবা নাছিলো ভালপোৱা বিচাৰি

এদিন যান্ত্ৰণাৰ সতে সহবাস কৰিব লাগিব

জীয়াই থকাৰ তাড়নাত

তুমি দিয়া দুখবোৰ

প্ৰতিপল মোৰ উশাহৰ লগতেই থাকি যাব ৷

 

অথচ তোমাৰ একান্ত নিজস্ব সময়ত

তোমাক আমনি কৰাৰ আকাঙ্ক্ষা

এতিয়া আৰু মোৰ নাই   !

কাৰণ তোমাৰ অবিহনেও তোমাক

একপক্ষীয়ভাবে আজিও সিমানেই ভালপাওঁ ॥

*********************************

Also Read

সোণালী পথাৰ

সময় 

যান্ত্ৰিকতাৰ বলি হলো অ’ মা 

মনত পৰেনে তোমাৰো কেতিয়াবা !

ব’হাগৰ প্ৰথম বৰষুণ জাক  

তোমাৰ সপোনৰ ৰাজকুমাৰ হ'ব নোৱাৰো

তোমাৰ কপহুৱা স্মৃতিৰ অবয়ব বিচাৰি

তোমাক পাহৰিব বিচাৰিছো