ব’হাগৰ প্ৰথম বৰষুণ জাক - assamese love poem - Siyor

 ব’হাগৰ প্ৰথম বৰষুণ জাক  

assamese love poem

 Poems For Loved Ones: Love Poems For Her From The Heart

 

গুন গুন সুৰ এটি হৈ

আহিছে ব’হাগৰ প্ৰথম বৰষুণ জাক 

হিম শীতল এচাটি চেঁচা সুবাস লৈ

ব’হাগৰ আকাশত কজলা মেঘে বজাইছে গাজনিৰ ঢোল

মোৰ দেহ মনত লগাইছে আনন্দৰ বোল

কিয়নো ব’হাগৰ প্ৰথম  বৰষুণ জাক মোৰ বুকুৰ আপোন ৷

নামিছে বুকুত  মায়াবী সপোনৰ শিহৰণ

ব’হাগৰ আকাশৰ পৰা বৰষুণৰ টোপালবোৰত

তিতিছিলো তোমাৰ সতে  এনে এজাক বৰষুণত

সেয়ে ব’হাগৰ প্ৰথম  বৰষুণ জাক মোৰ প্ৰিয় ৷৷

চিপ চিপ্ মায়াবী বৰষুণজাকত

কলেজৰ বগা ইউনিফৰ্ম জোৰে তোমাক

সপোনৰ পৰী যেন লাগিছিল, 

তোমাক দেখি পাহৰি গৈছিলো বিষাদৰ সকলো ৰাগিণী

খিলখিলাই হাঁহি উঠিছিল

বৰষুণৰ কণ কণ ৰূপালি তৰা

ভালপোৱাৰ গান গুণ গুনাই !

কজলা আকাশত  মেঘে মাৰিছিল গাজনি

মোৰ হাতৰ আঙুলিৰ ফাঁকত

ধৰিছিলা তোমাৰ আঙুলিৰে ভয়ত চেপি

আজিও জীপাল হৈ আছে

হৃদয়ৰ কোনোবা কোণত সেই অনুভূতি ৷৷

আহিবানে আকৌ  ব’হাগৰ প্ৰথম  বৰষুণ জাক হৈ তুমি

জীপাল কৰিবলৈ মোৰ হৃদয়ৰ পথাৰখন

তোমাৰ হাতত হাত ধৰি আকৌ  হিয়া ভৰি তিতিম

দুহাত মেলি বৰষুণৰ টোপালবোৰ চুই খিলখিলাই হাঁহিম

হৃদয়ে কৰিব গুণগুণ বোৱাই ভালপোৱাৰ নদীখন

নিবিড়ভাবে সাৱটিবা বৰষুণ জাকৰ কোমল পৰশত

বুকত শুই থকা সপোনে সাৰ পাই উঠা আবেগৰ ৰোমন্থনত

হাঁহি কান্দোনৰ মাজত নাজানো ক’ত

হেৰাই গ’ল জীৱনৰ ৰংবোৰ

তথাপি হিয়া উজাৰি অপেক্ষা কৰিছো

তিতিবলৈ তোমাৰ সৈতে বহাগৰ প্ৰথম বৰষুণ জাকত !

 Poems For Loved Ones: Love Poems For Her From The Heart

যদিও ৰাখিব নোৱাৰো তোমাক আজন্ম মোৰে কাষত

তথাপি হিয়া উজাৰি আশা কৰো বসন্তৰ দুৱাৰ দলিত

আহিবা সেউজীয়া সপোন হৈ ব’হাগৰ প্ৰথম বৰষুণ জাকত তুমি

বাৰুকৈয়ে প্রয়োজন আজি মোক

হিম শীতল চেচাঁ পৰশ দিয়া সেই বৰষুণজাকৰ ৷৷

************************************

Also Read

সোণালী পথাৰ

সময় 

যান্ত্ৰিকতাৰ বলি হলো অ’ মা 

মনত পৰেনে তোমাৰো কেতিয়াবা !

তোমাৰ সপোনৰ ৰাজকুমাৰ হ'ব নোৱাৰো

তোমাৰ কপহুৱা স্মৃতিৰ অবয়ব বিচাৰি

তোমাক পাহৰিব বিচাৰিছো

কথা আছিল ! কথা নাছিল !