অসমীয়া কবিতা- Assamese poems - Siyor

 অসমীয়া কবিতা-Assamese poem- Siyor

You are searching Assamese poems (অসমীয়া কবিতা) to read online, so that Google show you this website. Here you can find best Assamese poems (আধুনিক অসমীয়া কবিতা) for you so that you can read them here. If you like to read these Assamese poems (অসমীয়া কবিতা) and make a good feeling in your heart please share your friends, Thank you. 

Assamese Poem Siyor

 যদি ভালপোৱাবোৰ ...

যদি ভালপোৱাবোৰ উভয়ে চৰ্তবিহীনভাৱে

এখন হিয়াৰ পৰা আন এখন হিয়ালৈ অহৰহ আহিলেহেঁতেন

তেন্তে তেনে ভালপোৱাক পাবলৈ বুকুখনে কিছুদিন লঘোণ খাটিও 

আনন্দৰ মিচিকীয়া হাঁহিটি মৰাৰ অনুশীলন গঢ়িলহেঁতেন ॥ 

কিন্তু প্ৰেম- ভালপোৱাৰ ব্যৱসায়টো 

একপক্ষীয় সুখৰ  বিনিময়তহে  খুবেই ভালে চলে ৷ 

এতিয়া আৰু ভাবনাবোৰৰ স্পষ্টীকৰণ শুনিব নোখোজো

সেইবোৰ ঠিক পুৰণি যান-বাহনৰ ধোঁৱাৰ দৰে

বিষাক্ত গেছ  নিগৰাই মাথো ক'লাৰে হৃদয় পুৰিব খোজে ...

****************************************

হিয়াৰ আৰ্তনাদ 

সুপৰিকল্পিত বাণৰ কম্পনে

বিদাৰিত কৰে হৃদয়ৰ ভাষা,

অচল কৰি নিঃস্ব কৰে অচিন দেহা

বিশ্বাস নামৰ শব্দটিও

যেন আজি সংজ্ঞাহীন

ৰিক্ত হৃদয়, লুপ্ত সময়

নিৰব বিষাদ, নিমোহ অলেখ্য

কবৰ হৃদয়ৰ চেচাঁ হুমুনিয়াহ 

 ৰুদ্ধ হয় জীৱনৰ মায়া চক্ৰ

শূণ্যতাত বিয়পে অপূৰ্ণ নিদাৰুণ গাথাঁ

সোঁৱৰি মাথোঁ বিষাক্ত নিনাদক

এন্ধাৰ ৰাতিৰ জোনাকীৰ লগত

কিয়নো বাৰে বাৰে উন্মত্ত গৰ্জনেৰে

অভেদ্য হৃদয়ক ভেদ কৰি

উপায়হীন কৰি তোলে হিয়াৰ আৰ্তনাদ !!

*******************************

এটি দীঘলীয়া উজাগৰি ৰাতি

গোমোঠা মেঘৰ গাজৰনিত বাৰিষাৰ ধল নামে

উন্মুক্ত বতাহৰ তীব্র সুহুৰিত হৃদয়ত মায়াবী শিহৰণ জাগে

এমুঠী জিয়া আবেগে দুস্বপ্নৰ মায়াৰূপী দানৱ হৈ

 নিঃশব্দে মেৰিয়াই ধৰে হাওঁফাওঁটোক ছাঁয়াৰ দৰে

চিঞৰি উঠো অজানিতে

 কষ্টৰে নিশ্বাস এৰি

নিৰবে অপেক্ষা কৰো মাথো পোহৰলৈ 

কটাই এটি দীঘলীয়া উজাগৰি ৰাতি ॥

******************************

Also Read

সোণালী পথাৰ

সময় 

যান্ত্ৰিকতাৰ বলি হলো অ’ মা 

মনত পৰেনে তোমাৰো কেতিয়াবা !

ব’হাগৰ প্ৰথম বৰষুণ জাক  

তোমাৰ সপোনৰ ৰাজকুমাৰ হ'ব নোৱাৰো

তোমাৰ কপহুৱা স্মৃতিৰ অবয়ব বিচাৰি

তোমাক পাহৰিব বিচাৰিছো

কথা আছিল ! কথা নাছিল !

নিৰবতাৰ আস্ফালন

জোনাকৰ  হাততেই  হাত  ধৰি !

তোমাৰ সপোনবোৰ চুৰ কৰাৰ হেঁপাহত